Madaxweynaha Maamul goboleedka Puntland ayaa qirey in maamulkiisa uu sameysto lacago Sh.som ah oo ay ku dabarayaan sida uu sheegay xagga Mushaaraadka iyo arimo kale, xilli xiisado ay sababeen sicir barar uu ka taagan yahay gobolka Puntland.

Madaxweynaha Puntland oo u waramay markii ugu horreysay ragga wararka fidiya tan iyo markii maalmihii la soo dhaafay deeganada Puntland ay ka bilowdeen rabshado iyo waliba banaanbaxyo ka dhan ah sicir barar ka dhashay lacago S.som ah oo lagu daabaco gudaha Puntland ayaa waxa uu sheegay in ay jiraan Makiinado lacagahaasi lagu sameeyo oo maamulkiisa uu Koontaroolo.

Waxa uu sheegay in arintaan ay ku qasabtay maamulkiisa ka dib markii ay yaraadeen lacagihii hore ee Sh.Som ah iyo waliba baahi badan oo maamulkiisa uu u qabo in uu helo lacago sh.som ah.

Marka laga reebo makiinadaha lacagaha lagu daabaco ee maamulkiisa uu og yahay ayuu sheegay in ciidamadiisa ay soo qabteen Makiinado kale oo ay lahaayeen dad kale.

Arimahaan ayaa waxa ay saameyn ku yeesheen howlihii ganacsi ee maamulka Puintland, iyadoo sare u kaca uu ku yimid qiimaha la kala siisto badeecooyinka kala duwan.

Magaalada Kismaayo ee xarunta gobolka J/hoose waxaa maanta ka dhacay dilkii ugu horreeyay oo qisaas ah wixii ka dambeeyay markii beelaha Mariixaan iyo Gaal-jecel ay ku heshiiyeen in qofkii qof dilaa isna la dilo sida ay qabto Shareecada islaamka, talaabadani ayaa si weyn loo soo dhaweeyay.

Marxuum Max'ed Cabdulahi Jabane Timo Jilac ayaa galabta lagu qisaasay fagaare ku yaala magaalada Kismaayo, iyadoo ay goobjoog ahaayeen odayaal dhaqameedyo iyo Mas'uuliyiin ka tirsan maamulka degmada Kismaayo.

Marxuumkaan la qisaasay ayaa saakay waxa uu nin rayid ah ku dilay bartamaha magaalada Kismaayo, iyadoo ehelada ninkaasina ay dalbadeen in loo qisaaso.

Beelaha ay ka soo kala jeedaan labadaan nin oo maalmahaan isku hayay deegaanada hadaaqa iyo Beerxaano ayaa ku heshiiyay in ninkii nin dilaa la dilo.

Marxuumkaan la qisaasay ayaa waxaa soo qabtey ciidamada amaanka magaalada Kismaayo, iyagoo ku wareejiyay odayaasha beesha Sade oo iyaguna ku sii wareejiyay odayaasha beesha Gaaljecel, deetana lagu fuiliyay dil qisaas ah.

26,July,07

Qarax xoogan ayaa goordhaweyd gil gilay wadada isgoyska Black sea ee degmada Hodon ee magaalada Muqdisho, halkaasi oo fariisin u ah ciidamada Booliska dowladda KMG ah.

Qaraxaan oo loo adeegsaday bam Gacmeed ayaa waxaa lala eegtay abaaro 7:40 Pm ciidamada dowladda ee fariisinka ku leh Igsoyska Black sea , iyadoo wali aan la ogeyn qasaaraha ka dhashay weerarkaasi bam sida ay shabelle u sheegeen dad goobjoogayaal ah.

Lama soo sheegin wax rasaas ah oo ciidamada booliska ay fureen qaraxa ka dib.

Waa qarixii labaad oo ka dhaca caasimadda muddo 3 saac gudaheed ah, iyadoo galabta qarax loo adeegsaday Miinada gacanta laga hago uu ka dhacay agagaarka isgoyska KM4, qaraxaasi oo lala waayay gaari ay wateen ciidamada dowladda ayaan la soo sheegin wax qasaaro ah oo ka dhashay.

Ciidamadan oo soo gaarey guriga wiilasha ay ku noolaayeen ee warshadda Caanaha ee degmada Hodan barqadii maanta ayaa waxaa markii ay wiilasha la baxeen ka dib ay gubeen qolkii ay ku noolaayeen wiilashaasi dhalin yarada ah.

3 Boolis ah ayaa ku dhaawacmay qarax xoogan oo maqribnimadii caawa ka dhacay meel ku dhow isgoyska Bakaaraha ee magaalada Muqdisho.

Qaraxaan oo loo adeegsaday bam gacmeed ayaa lala eegtay abaaro 6:00 Pm gaari ay wateen ciidamada booliska, iyadoo qaraxa ka dib la maqlay rasaas ay fureen ciidamada dowladda sida uu shabelle u sheegay Suxufi Madax banaan oo la yiraahdo Cabdi Cali oo goobjoog ka ahaa halka ay wax ka dhaceen.

Goobjoogaha ayaa intaasi ku daray in 3da booliska ah ee ku dhaawacamay qaraxa labo ka mid ah dhaawacooda uu ahaa mid fudud, halka midka kalena uu dhaawac halis ah soo gaaray.

Lama soo sheegin wali qasaaro soo gaaray dad rayid ah, inkastoo ay macquul tahay in ay jiraan qasaarooyin kale, maadaama goobta qaraxa uu ka dhacay ay ku dhowdahay suuqa Qudaarta ee Bakaaraha.

Lama garanayo wali kooxaha ka dambeeya falkaan oo qeyb ka ah weerarada iyo qaraxyada inta badan lala eegto ciidamada dowladda iyo kuwa Ethiopia ee ku sugan caasimadda.

In ka badan 100 ruux ayaa la aaminsan yahay in ay ku nafwaayeen weeraro iyo qaraxyo ka dhacay caasimadda 20 kii maalmood ee ugu dambeeyay.